Toshkentdan Islomobodga muntazam reyslar: Uzbekistan Airways 14 iyundan parvozlarni yo‘lga qo‘yadi

Uzbekistan Airways aviakompaniyasi Toshkent va Pokiston poytaxti Islomobod shahri o‘rtasida aviaqatnovlarni yo‘lga qo‘yishini e’lon qildi.

Xabarga ko‘ra, 14 iyundan boshlab Toshkent – Islomobod – Toshkent yo‘nalishi bo‘yicha muntazam aviaqatnovlar amalga oshiriladi.

Parvozlar shanba kunlari quyidagi jadvalga muvofiq amalga oshiriladi (mahalliy vaqt ko‘rsatilgan):

- Toshkentdan jo‘nab ketish 08:50, Islomobodga yetib borish 10:50;

- Islomoboddan jo‘nab ketish 11:50, Toshkentga yetib kelish 13:50.

Avvalroq, Uzbekistan Airways aviakompaniyasi Toshkent va Pokistonning Lohur shahri o‘rtasida aviaqatnovlarni yo‘lga qo‘ygan edi.