O‘zbekiston Rossiya elchisini chaqirtirdi

O‘zbekiston Tashqi ishlar vazirligiga Rossiya Federasiyasi hududida o‘zbekistonlik mehnat muhojirlarining huquqlari buzilishi haqidagi xabarlar ko‘payib borayotgani munosabati bilan Rossiya elchisi chaqirildi.

TIV ma’lumotiga ko‘ra, uchrashuv davomida O‘zbekiston tomoni Rossiyada mehnat qilayotgan O‘zbekiston fuqarolariga nisbatan shafqatsiz munosabatda bo‘lish holatlari yuzasidan tashvishini bildirdi hamda ularning huquq va erkinliklarini qabul qiluvchi mamlakat qonunchiligiga muvofiq hurmat qilinishi zarurligini ta’kidladi.

Toshkent Moskvani ko‘tarilgan masalalarni sinchkovlik bilan ko‘rib chiqishga va bu tashvishni Rossiyaning tegishli idoralariga yetkazishga chaqirdi.