Joriy yilning 14 iyun kuni «Xavfsiz va sog‘lom yurt» keng qamrovli profilaktik tadbirlari doirasida Farg‘ona viloyati Ichki ishlar boshqarmasi xodimlari tomonidan tovlamachilik jinoyati fosh etildi.
Ma’lum qilinishicha, Farg‘ona shahrida yashovchi besh nafar shaxs Quva tumani fuqarosini Farg‘ona shahrining «Besh bola» mahallasi hududidagi karyerga olib borgan. U yerda ular jabrlanuvchiga tan jarohati yetkazib, uning sir saqlanishi lozim bo‘lgan holatini uyali telefonga tasvirga olgan.
Shundan so‘ng gumondorlar ushbu videolarni jabrlanuvchining yaqinlariga tarqatib, uni sharmanda qilish bilan qo‘rqitib, tovlamachilik yo‘li bilan 8 million so‘m talab qilgan.
Tezkor tadbir davomida gumondorlar jabrlanuvchidan 2 million so‘m olayotgan vaqtda ichki ishlar organlari xodimlari tomonidan qo‘lga olindi.
Hozirda mazkur holat yuzasidan tegishli hujjatlar rasmiylashtirilib, tergovga qadar tekshiruv harakatlari olib borilmoqda.
Ichki ishlar organlari fuqarolarni har qanday tovlamachilik holatlari yuzasidan huquqni muhofaza qiluvchi organlarga zudlik bilan murojaat qilishga chaqirdi.
Hindiston TIV Rossiya diplomatini chaqirtirdi
1 avgustdan avtomobillar uchun gaz bepul bo‘ladi
250 million yildan keyin Yer ko‘rinishi qanday bo‘ladi?
