Ukraina prezidenti Vladimir Zelenskiy mamlakat hududining bir qismini yo‘qotishga olib kelishi mumkin bo‘lgan tinchlik kelishuvini qabul qilishga tayyorligini bildirdi. Bu haqda u Fox News telekanaliga bergan intervyusida ma’lum qildi.
Jurnalist Zelenskiydan Ukraina hududining kamida 75 foizi ustidan nazoratni saqlab qolish imkonini beradigan va hozirgi vaziyatni barqarorlashtiradigan kelishuvga rozi bo‘ladimi, deb so‘radi.
«Ha, biz hozir vaziyatni barqarorlashtirishimiz kerak va menimcha, bu urushni tugatishning haqiqiy yo‘li», — deb javob berdi Ukraina rahbari.
Bundan ikki kun oldin AQSh moliya vaziri Skott Bessent Zelenskiyning Rossiyani mag‘lub etishga qaratilgan qat’iy pozisiyasini tanqid qilgan edi. U Ukraina g‘alaba qozonishi yoki mag‘lub bo‘lishi kerakligi haqidagi yondashuvni «yolg‘on dixotomiya» deb atab, urushni muzokaralar orqali tugatish zarurligini ta’kidladi.
Yakshanba kuni NBC telekanalidagi «Press bilan uchrashuv» dasturida ishtirok etgan Zelenskiy esa Ukraina urushda g‘alaba qozonishi kerakligini aytdi. Uning ta’kidlashicha, bu mamlakat mustaqilligi, geosiyosiy yo‘nalishi va milliy o‘zligini saqlab qolish uchun muhim.
Shuningdek, Ukraina prezidenti AQSh Rossiya tomonini qo‘llab-quvvatlashi mumkinligidan xavotir bildirdi. U bunday sharoitda Ukrainaning g‘alaba qozonishi qiyinlashishini ta’kidladi.
Zelenskiyning bayonotiga javoban Bessent Ukraina rahbari soxta tanlovni ilgari surayotganini aytdi. Uning fikricha, asosiy vazifa urushda kim g‘alaba qozonishini aniqlash emas, balki harbiy harakatlarni to‘xtatish bo‘lishi kerak.
«Urush tugashi kerak va bu qandaydir muzokaralar orqali amalga oshiriladi», — dedi AQSh moliya vaziri.
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
Biz G‘azo sektori va Livan qishloqlarini vayron qilyapmiz, butun dunyo esa bizga qoyil qolmoqda
