Superliga. "Neftchi" "Paxtakor"ni mag‘lub etib, chempionlik sari katta qadam tashladi (Turnir jadvali)

Bugun, 23 oktyabr kuni O‘zbekiston Superligasining 25-turi doirasida navbatdagi ikki uchrashuv o‘tkazildi.

Kunning markaziy bahsida Toshkentning "Paxtakor" klubi o‘z maydonida Farg‘onaning "Neftchi" jamoasini qabul qildi. Chempionlik uchun kurashayotgan jamoalar o‘rtasidagi muhim to‘qnashuv mehmonlarning 3:1 hisobidagi g‘alabasi bilan yakunlandi.

Ushbu natijadan so‘ng "Neftchi" 58 ochko bilan turnir jadvalidagi peshqadamligini mustahkamladi. 53 ochkoda qolgan "Paxtakor" esa ikkinchi o‘rinni egallab turibdi. Endi jamoalar o‘rtasidagi farq 5 ochkoga yetdi.

Kunning yana bir uchrashuvida "Buxoro" o‘z maydonida Termizning "Surxon" jamoasi bilan kuch sinashdi. Mazkur bahsda hisob ochilmadi — 0:0.

Durangdan keyin "Buxoro" 41 ochko bilan to‘rtinchi o‘rinda qoldi. "Surxon" esa 29 ochko bilan 12-pog‘onadan joy olgan.

Eslatib o‘tamiz, 25-turning ilk uchrashuvi 22 oktyabr kuni bo‘lib o‘tgan va unda "Bunyodkor" o‘z maydonida "Mash’al"ni 2:1 hisobida mag‘lub etgan edi.

Superliga. 25-tur

22 oktyabr, payshanba

"Bunyodkor" – "Mash’al" – 2:1

23 oktyabr, juma

"Paxtakor" – "Neftchi" – 1:3

"Buxoro" – "Surxon" – 0:0

24 oktyabr, shanba

18:00. "Nasaf" – "So‘g‘diyona"

25 oktyabr, yakshanba

16:00. OKMK – "Qo‘qon-1912"

18:00. "Qizilqum" – "Lokomotiv"

18:15. "Dinamo" – "Andijon"

26 oktyabr, dushanba

18:30. "Xorazm" – "Navbahor"