Eron Iordaniyadagi AQSh Harbiy-havo kuchlari qiruvchi samolyotlari angarlariga zarba berdi

Eron Islom inqilobi qo‘riqchilari korpusi (IIQK) Iordaniyadagi AQSh havo kuchlarining F-35, F-16 va F-15 qiruvchi samolyotlari uchun texnik xizmat ko‘rsatish, o‘qitish va joylashtirish angarlariga, shuningdek, boshpanalarga zarba berdi.

Tasnim agentligi xabar berishicha, ob’ektlar AQShning Al-Azraq aviabazasida joylashgan.

"Operasiya davomida kuchli ballistik raketa zarbasi texnik xizmat ko‘rsatish, o‘qitish va joylashtirish angarlariga, shuningdek, AQSh havo kuchlarining F-35, F-16 va F-15 qiruvchi samolyotlari uchun boshpanalarga zarba berdi. Dushman jiddiy zarar ko‘rdi", deyiladi IIQK bayonotida.

Eslatib o‘tamiz, AQSh Markaziy qo‘mondonligi (CENTCOM) beshta Eron neft tankeri yo‘q qilinganini e’lon qildi.