Bunyodkor stadioni qarzdorlik sabab elektrdan uzib qo‘yildi

“Bunyodkor” stadionida elektr ta’minoti qarzdorlik tufayli 4 sentyabr sanasidan e’tiboran to‘liq uzib qo‘yilgani oqibatida, O‘zbekiston Professional futbol ligasi vaqtincha masofadan ishlash rejimiga o‘tdi. Bu haqda Liga matbuot xizmati ma’lum qildi. Elektr yo‘qligi Liga serverlarining ishlamay qolishiga ham sabab bo‘lgan. Shu bois Superliga va Proliga o‘yinlari translyasiyasi uchun hozircha tashqi serverlardan foydalanilmoqda.