Zelenskiy prezidentning kuyovi bilan muzokara olib bordi

Ukraina prezidenti Vladimir Zelenskiy kecha AQSh prezidenti Donald Trampning maxsus vakillari Stiv Uitkoff va Jared Kushner bilan bo‘lib o‘tgan muzokaralari tafsilotlarini oshkor qildi.

Zelenskiy bu haqda ijtimoiy tarmoqlardagi sahifasida e’lon qildi.

"Bu diplomatiyani qanday qilib faollashtirish va tinchlikni yaqinlashtirish haqida yaxshi va muhim suhbat bo‘ldi. Bizga tinchlik kerak - qadr-qimmat bilan tinchlik va Ukraina bunga anchadan beri tayyor. Bizning jamoalarimiz yaqin aloqada, jumladan, muhokama qilingan barcha masalalar ustida ishlashni davom ettirish uchun. Men Stiv va Jaredga tinchlikni ta’minlash borasidagi shaxsiy sa’y-harakatlari uchun minnatdorchilik bildiraman. Biz Prezident Tramp va Amerika xalqiga ularning doimiy qo‘llab-quvvatlashi uchun minnatdormiz", deb yozgan Ukraina rahbari.