Serbiya Ukrainaga Yevropa Ittifoqiga qo‘shilish yo‘lida yordam beradi

Bu haqda Serbiya prezidenti Aleksandar Vuchich Belgradda Ukraina prezidenti Vladimir Zelenskiy bilan o‘tkazgan qo‘shma matbuot anjumanida ma’lum qildi.

Serbiya rahbari Kiyevga Yevropa Ittifoqiga a’zo bo‘lish bo‘yicha muzokaralarni ilgari surish uchun zarur bo‘lgan barcha muzokara klasterlarini imkon qadar tezroq yakunlashini tiladi.

Shu bilan birga, Vuchich boshqa davlatlarning Yevropa Ittifoqiga qo‘shilish yo‘lida duch kelishi mumkin bo‘lgan to‘siqlar haqida izoh berishdan bosh tortdi.

Serbiyaning o‘zi 2012 yildan buyon Yevropa Ittifoqiga a’zo bo‘lish uchun nomzod davlat maqomiga ega. Belgrad a’zolik uchun arizani 2009 yilda topshirgan, qo‘shilish bo‘yicha muzokaralar esa hanuz davom etmoqda.

Ukraina hukumati Bryussel bilan muzokaralarni kuz faslidayoq ilgari surishga umid qilmoqda. Yevropa va Yevroatlantika integrasiyasi masalalari bo‘yicha bosh vazir o‘rinbosari Vsevolod Chensovning ta’kidlashicha, 2027 yil oxiriga qadar Yevropa Ittifoqiga qo‘shilish bo‘yicha muzokaralarni yakunlash — ambisiyali, ammo amalga oshirish mumkin bo‘lgan maqsad.