Eron AQSh bilan urush paytida Shimoliy Koreyadan qurol olgan

Eron AQSh va Isroil bilan mojaro paytida Suriya va Shimoliy Koreyadan qurol sotib olgan.

Tasnim axborot agentligi xabar berishicha, Islom inqilobi qo‘riqchilari korpusining Quds kuchlari (IIKQ) qo‘mondoni o‘rinbosari brigada generali Muhammad Rizo Fallahzoda bu haqda ma’lum qildi.

"Urush paytida Eronga mamlakatning mudofaa ehtiyojlarini qondirish uchun Suriya va Shimoliy Koreyadan qurol-yarog‘ yetkazib berilgan", dedi u.

IIQK vakilining so‘zlariga ko‘ra, Eron harbiylari hozirda aerokosmik va dengiz sohalarida, ichki xavfsizlikda, zamonaviy harbiy texnika va qurol-yarog‘ ishlab chiqarishda yutuqlarga erishdilar.

U mamlakatda xavfsizlik mustahkamlanganini ta’kidladi. Fallahzoda shuningdek, janglar paytida Eron qurolli kuchlari faqat Islom Respublikasi hududiga hujum qilish uchun ishlatilgan AQSh bazalariga zarba berganini aniqladi.

U shuningdek, Isroil Eron, XAMAS va "Hizbulloh"ni qurolsizlantirishga erisha olmaganini aytdi.

"Yaman "Ansar Alloh" harakati Isroilga qarshi qarshilikning muhim elementlaridan biri bo‘lib qolmoqda", deya xulosa qildi u.