Yoqilg‘i quyish shoxobchalari uchun yangi xavfsizlik talablari joriy etildi

Hukumat qaroriga muvofiq, avtoyo‘qilg‘i va gaz quyish shoxobchalarida yong‘in, sanoat va ekologik xavfsizlik talablari kuchaytiriladi.

2026 yil 1 sentyabrdan xizmat muddati o‘tgan, ortiqcha bosim ostida ishlaydigan yoki ishlab chiqarilgan sanasi noma’lum uskunalardan foydalanish bosqichma-bosqich cheklanadi.

Shuningdek, gaz quyish shoxobchalarida «U-GAS» dasturiy-apparat kompleksini joriy etish majburiy bo‘ladi. Ushbu tizim ma’lumotlari nazorat organlari uchun rasmiy asos sifatida qabul qilinadi.