O‘zbekiston Adliya vaziri Turkiya va Qirg‘izistonlik hamkasblari bilan hamkorlikni muhokama qildi

Turkiy Davlatlar Tashkiloti (TDT) adliya vazirlari sud-huquqiy hamkorlikni yanada rivojlantirish masalalarini muhokama qilishdi.

Bu haqda Turkiya adliya vaziri o‘zining ijtimoiy tarmoq sahifasida yozdi.

Uchrashuv Istanbulda TDT adliya vazirlarining 3-yig‘ilishi doirasida bo‘lib o‘tdi. Unda Ozarbayjon adliya vaziri Farid Ahmedov, Qirg‘iziston adliya vaziri Almaz Ayilchiyev va O‘zbekiston adliya vaziri Akbar Toshqulov ishtirok etdi.

Uchrashuv davomida mamlakatlar o‘rtasida sud-huquqiy hamkorlikni yanada rivojlantirish hamda tegishli muassasalar o‘rtasida axborot va tajriba almashish bo‘yicha choralar muhokama qilindi.