Janubiy Koreyaga qarshi o‘yinda O‘zbekistonning eng yaxshi futbolchisi kim bo‘ldi?

O‘zbekiston milliy terma jamoasi xalqaro o‘rtoqlik uchrashuvida Janubiy Koreyaga 0:2 hisobida mag‘lub bo‘ldi.

Tejon shahridagi “Daegeon World Cup” stadionida o‘tkazilgan bahsda mezbonlar har ikki bo‘limda bittadan gol urdi.

Hisob uchrashuvning 6-daqiqasida ochildi. Janubiy Koreya yetakchilaridan Son Xyon Min imkoniyatdan foydalanib, jamoasini oldinga olib chiqdi.

Tanaffusdan keyin mezbonlar hujumkorlikni oshirdi. 60-daqiqada O Se Xun ikkinchi golni kiritib, hisobni 2:0 ko‘rinishiga keltirdi. Qolgan vaqtda tabloda boshqa o‘zgarish bo‘lmadi.

Son Xyon Min — uchrashuvning eng yaxshisi

Sofascore portali baholariga ko‘ra, Son Xyon Min 7,5 ball bilan uchrashuvning eng yaxshi futbolchisi bo‘ldi.

O‘zbekiston terma jamoasi safida eng yuqori ko‘rsatkich Jahongir O‘rozovga tegishli bo‘ldi — 7,3 ball. Abbosbek Fayzullayev va Abduqodir Husanov esa 6,8 balldan oldi.

O‘zbekiston futbolchilariga qo‘yilgan baholar

Abduvohid Ne’matov — 5,7
Abduqodir Husanov — 6,8
Behruz Karimov — 5,9
Jahongir O‘rozov — 7,3
Sherzod Nasrullayev — 5,9
Odil Hamrobekov — 6,5
Akmal Mozgovoy — 6,7
Aziz G‘aniyev — 6,6
Abbosbek Fayzullayev — 6,8
Dostonbek Hamdamov — 6,4
Eldor Shomurodov — 6,3

Jamoaviy o‘rtacha baholashda Janubiy Koreya 6,92 ball to‘plagan bo‘lsa, O‘zbekiston milliy terma jamoasining ko‘rsatkichi 6,54 ballni tashkil etdi.