Moskva yaqinidagi “Sheremetyevo” xalqaro aeroportida fojiali holat qayd etildi. Aeroport hojatxonasida yangi tug‘ilgan o‘g‘il bola chaqaloq jasadi va uning onasi aniqlangan.
Huquqni muhofaza qiluvchi organlar ma’lumotiga ko‘ra, dastlabki taxminlarga asosan, ayol bolani aeroport hojatxonasida dunyoga keltirgan. Shundan so‘ng chaqaloqni bo‘g‘ib o‘ldirgan bo‘lishi mumkin.
Ayolning o‘zi ham og‘ir ahvolda shifoxonaga olib ketilgan. U ko‘p miqdorda qon yo‘qotishi oqibatida vafot etgan.
Avvalroq Moskva viloyati Tergov qo‘mitasi aeroport hududida yangi tug‘ilgan chaqaloq va uning onasi jasadlari topilgani yuzasidan jinoyat ishi qo‘zg‘atgani xabar qilingan edi.
Hozirda tergov organlari voqeaning barcha holatlarini aniqlamoqda. Chaqaloqning o‘limi sabablari, ayolning homiladorligi va tug‘ruq bilan bog‘liq holatlar, shuningdek, voqea tafsilotlari bo‘yicha ekspertizalar o‘tkazilmoqda.
Tergov yakunlanmaguncha voqeaning ayrim holatlari bo‘yicha yakuniy xulosa berishga erta.
Nega Isroil O‘zbekistonga qiziqib qoldi?
Ayiq ovlaganlarga pul mukofoti va’da qilindi
Dubaydan Tel-Avivga uchayotgan samolyotning rossiyalik va ukrainalik uchuvchilari o‘rtasidagi janjal tufayli samolyot favqulodda qo‘ndirildi
