Bugun 7 may, 2025 yil, chorshanba

КИР

Uzbekistan Airways Haj-2025 doirasida 8 shahardan Madinaga charter parvozlarini amalga oshiradi

Uzbekistan Airways Haj-2025 doirasida 8 shahardan Madinaga charter parvozlarini amalga oshiradi

Uzbekistan Airways 13–28 may kunlari davomida “Haj-2025” dasturi doirasida Saudiya Arabistoniga charter yo‘lovchi aviaqatnovlarini amalga oshirishni boshlaydi. Bu haqda aviakompaniya axborot xizmati xabar berdi.

Unda aytilishicha, ziyoratchilar Toshkent, Samarqand, Namangan, Qarshi, Termiz, Navoiy, Urganch va Nukus shaharlaridagi xalqaro aeroportlardan Madina shahriga yetkaziladi. Ushbu bosqichda 6 267 nafar ziyoratchi haj safariga jo‘nab ketishi ko‘zda tutilgan.

Ortga, ya’ni Jidda shahridan O‘zbekistonning turli shaharlariga qaytish reyslari esa 12–29 iyun kunlari amalga oshiriladi. Bu bosqichda 15 150 nafar ziyoratchining mamlakatga qaytishi rejalashtirilgan.

Uzbekistan Airways ziyoratchilarning xavfsiz, qulay va samarali tashuvini ta’minlash maqsadida barcha zarur choralarni ko‘rmoqda.

O‘zbekistondagi 2025 yilgi haj mavsumi 13 maydan boshlanadi.

Kiritildi: 19:28 05.05.2025. O'qildi: 484 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!