Tramp: "Men Eron bilan kelishuvga erishishni afzal ko‘raman"

AQSh prezidenti Donald Tramp Vashington Eron bilan maslahatlashuvlarni davom ettirishini va kelishuvga erishishni kutayotganini ma’lum qildi.

Amerika yetakchisi bu bayonotni Nevada shtatining Las-Vegas chekkasidagi nutqida aytdi.

"Men odamlarni o‘ldirishni istamaganim uchun kelishuv tuzishni afzal ko‘raman. Lekin biz gaplashyapmiz. Keling, nima bo‘lishini ko‘ramiz", dedi Tramp.

Uning so‘zlariga ko‘ra, Eron hukumati Qo‘shma Shtatlarni hurmat qiladi.

AQSh va Isroil 28 fevral kuni Eronga qarshi harbiy operasiya boshladilar. Iyun oyida Vashington va Tehron harbiy harakatlarni to‘xtatishga chaqiruvchi o‘zaro anglashuv memorandumini imzoladilar. Biroq, 8 iyul kechasi AQSh Eronga qarshi keng ko‘lamli hujumlarni qayta boshladi va Tehronni Hormuz bo‘g‘ozi bo‘yicha kelishuv shartlarini buzganlikda aybladi.