Toshkent shahrida Ozarbayjon Respublikasining O‘zbekiston Respublikasidagi Elchixonasi huzuridagi Haydar Aliyev nomidagi Ozarbayjon Madaniyat markazi tashkilotchiligida, Ozarbayjon Kasaba uyushmalari Konfederasiyasi delegasiyasi ishtirokida O‘zbekiston turizm kompaniyalari vakillari uchun Ozarbayjon kurortlarining turizm va sog‘lomlashtirish imkoniyatlariga bag‘ishlangan taqdimot marosimi o‘tkazildi.
Tadbirda O‘zbekistonda faoliyat yuritayotgan 60 ga yaqin turizm kompaniyasi vakillari hamda ommaviy axborot vositalari xodimlari ishtirok etdilar.
Taqdimot davomida Ozarbayjon kurortlarining turizm, davolash va sog‘lomlashtirish salohiyatini aks ettiruvchi maxsus videorolik namoyish etilib, mamlakatning turli hududlarida joylashgan dam olish va sog‘lomlashtirish maskanlari haqida batafsil ma’lumot berildi.
Shuningdek, Ozarbayjon Kasaba uyushmalari Konfederasiyasi tasarrufida faoliyat yuritayotgan sanatoriy-kurort va dam olish muassasalarining zamonaviy infratuzilmasi, davolash-sog‘lomlashtirish imkoniyatlari hamda tashrif buyuruvchilarga ko‘rsatilayotgan xizmatlar to‘g‘risida ma’lumotlar taqdim etildi.
Tadbir doirasida Ozarbayjon va O‘zbekiston o‘rtasidagi turizm sohasidagi hamkorlikni yanada rivojlantirish, har ikki mamlakatning turizm salohiyatini keng targ‘ib etish hamda ushbu yo‘nalishda istiqbolli hamkorlik aloqalarini kengaytirish masalalari yuzasidan fikr almashildi.
Taqdimot yakunida ishtirokchilarni qiziqtirgan savollarga batafsil javoblar berildi.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
