Ukraina prezidenti Vladimir Zelenskiy hozirgi front chizig‘ini muzlatish orqali Rossiya bilan urushni to‘xtatish imkoniyatini qo‘llab-quvvatlashini bildirdi. Bu haqda u Fox News telekanaliga bergan intervyusida ma’lum qildi.
Suhbat davomida jurnalist Zelenskiydan Ukraina hududining 75 foizini saqlab qolish sharti bilan tinchlik kelishuviga rozi bo‘ladimi, deb so‘radi.
«Ha, agar hozirgi vaziyatni muzlatishimizga to‘g‘ri kelsa. Menimcha, bu urushni tugatishning real yo‘li», – deya javob berdi Ukraina rahbari.
Zelenskiyning ta’kidlashicha, Ukraina urushni imkon qadar tezroq tugatishni istaydi. U AQSh prezidenti Donald Trampning o‘t ochishni to‘xtatish haqidagi taklifini qo‘llab-quvvatlab, tomonlar hozirgi pozisiyalarida qolgan holda diplomatik muzokaralarga o‘tishi mumkinligini aytdi.
Shuningdek, Zelenskiy Rossiya joriy yilda jang maydonida sezilarli muvaffaqiyatga erishmaganini da’vo qildi.
Avvalroq, 20 oktyabr kuni Osloda Ukraina delegasiyasi AQSh prezidentining maxsus vakillari bilan muzokara o‘tkazgan edi. Keyinchalik Stiv Uitkoff Sankt-Peterburgda Vladimir Putin bilan uchrashib, Ukrainadagi urushni hal etish bo‘yicha takliflarni taqdim etdi.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
