O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi

Xabar berilishicha, tungi parvozlarga cheklovlar qo‘yilganidan so‘ng, Moskva aeroportlarida 370 dan ortiq reyslar kechiktirildi yoki bekor qilindi. Toshkentdan uchib kelayotgan Aeroflot reysi Sankt-Peterburgga, Samarqanddan uchib kelayotgan Ural Airlines reysi esa Yekaterinburgga yo‘naltirildi.

Moskva meri Sergey Sobyaninning so‘zlariga ko‘ra, tungi vaqtda shaharga yaqinlashayotganda 134 ta dron urib tushirilgan. Parvozlarga qo‘yilgan cheklovlar bugun ertalab bekor qilina boshladi.