Chechenistonlik va suriyalik 23 may juma kuni kechqurun Gamburg markaziy vokzalidagi qotillikni to‘xtatishga yordam berdi, deb xabar qilmoqda Spiegel.
Suriyalik - Halab atrofidan kelgan 19 yoshli qochqin Muhammad Al Muhammad bo‘lib, u 2022 yil sentyabridan beri Germaniyada yashaydi. Chechenning shaxsiy ma’lumotlari oshkor qilinmagan. Muhammad perronda poyezdni kutayotganida, pichoq ushlab turgan ayolni ko‘rib qoldi va vahimaga tushgan olomon bilan qochish o‘rniga harakat qilishga qaror qildi.
Lidiya S. hujumi natijasida 18 kishi jarohat oldi, yettitasi og‘ir yaralandi, to‘rt kishi og‘ir ahvolda edi. Polisiya ma’lumotlariga ko‘ra, hozirda barcha jabrlanganlarning ahvoli barqarorlashgan. Sudya gumonlanuvchini klinikaga joylashtirish haqida qaror chiqardi.
Ikki daqiqadan so‘ng hodisa joyiga federal va mahalliy polisiya, metro qo‘riqlash xizmati va Deutsche Bahn xavfsizlik xizmatidan iborat qo‘shma patrul guruhi yetib kelib, hujumchini qo‘lga oldi. So‘roqdan keyin Al Muhammadni polisiya bo‘limiga olib borishdi, u yerda polisiyachilar yigitga minnatdorchilik bildirib, uni kapuchino bilan siylashdi.
Lidiya S. 22 may kuni Bremerxafendagi ixtisoslashtirilgan klinikadan chiqarildi, u yerda to‘rt kun davolangandi. Polisiya bir necha federal o‘lkalarda u bilan bog‘liq chaqiruvlarga bir necha bor borgan. Shunday bo‘lsa-da, Bremerxafendagi ruhiy kasalliklar shifoxonasidan chiqayotganda, uning atrofdagilar uchun jiddiy xavf tug‘dirmasligi aniqlangandi. Endi sudya uni 15 ta holatda qotillikka urinish va og‘ir tan jarohati yetkazishda ayblab, yana ruhiy kasalliklar klinikasiga yotqizishni buyurdi.
Eron jasorat ko‘rsatmoqda
Fermer "er kovlab," o‘z maydonidan oltin topdi
Chechen qo‘mondonidan to‘g‘ridan-to‘g‘ri tahdid: “Ruslarni o‘ldirish uchun kelgan xorijliklar yo‘q qilinadi!”
