Suriyada avtobusda sodir bo‘lgan portlash oqibatida to‘rt kishi halok bo‘ldi (video)

Damashq chekkasida joylashgan Suriyaning Jaramana shahrida mikroavtobusda qo‘lbola portlovchi moslama portlashi oqibatida to‘rt kishi halok bo‘ldi.

Bu haqda Suriya tez tibbiy yordam xizmati rahbari Usama al-Husaynga tayanib, Syria TV xabar berdi.

Uning so‘zlariga ko‘ra, yana 14 kishi, jumladan, ayollar va bolalar jarohat olgan. Jabrlanganlar bir nechta xususiy kasalxonalarda davolangan.

Portlash Al-Ravda chorrahasining asosiy ko‘chasida, gavjum savdo tumanida sodir bo‘lgan. Favqulodda xizmatlar voqea joyida ishlamoqda.

Hujumni sodir etganlar hali aniqlanmagan.