Rubio: "Moskva va Kiyevdagi muzokaralar mazmunli bo‘ldi"

Dam olish kunlari Moskva va Kiyevda bo‘lib o‘tgan Ukraina bo‘yicha muzokaralar mazmunli bo‘ldi.

Bu haqda AQSh Davlat kotibi Marko Rubio Kolumbiyaga tashrifi chog‘ida ma’lum qildi.

Biroq, Davlat kotibi muzokaralarni "samarali yoki samarasiz" deb ta’riflashdan bosh tortdi.

"Ikkala tomonning ham juda qattiq qizil chiziqlari bor. Ammo bu dam olish kunlari Kiyevda ham, Moskvada ham mazmunli muzokaralar bo‘ldi va umid qilamanki, bunga asoslanib, biz [uch tomonlama] muzokaralarni qayta boshlash uchun yo‘l ochamiz", dedi u.

Avvalroq, AQSh Prezidentining elchisi Stiv Uitkoff Kiyevda Ukraina rahbari Vladimir Zelenskiy bilan uchrashuvdan so‘ng, AQSH, Rossiya va Ukraina tez orada uch tomonlama muzokaralarni e’lon qilishi mumkinligini aytgan edi.

Rubio shuningdek, AQSh tomoni kelgusi haftalarda muzokaralarni qayta boshlash va ikkala tomon uchun ham maqbul bo‘lgan kelishuvga erishish uchun yo‘l xaritasini ishlab chiqishni kutayotganini ta’kidladi.

"Hali qilinadigan ishlar ko‘p", deya xulosa qildi Davlat departamenti rahbari.