Qozog‘iston o‘z portlari orqali O‘zbekiston yuklarini tashish hajmini oshirishga tayyor

Oljas Bektenov va Abdulla Aripov Aktau xalqaro dengiz savdo portiga tashrif buyurib port infratuzilmasini ko‘zdan kechirishdi.

Uchrashuvda Aktau va Kurik portlari orqali tashiladigan o‘zbek yuklari hajmi 2025 yilda 60% dan ortiqqa oshgani qayd etildi. Qozog‘iston ushbu portlar orqali O‘zbekiston eksport yuklarining tranzitini yanada kengaytirishga tayyor ekanini bildirdi.

Bosh vazirlar "Qozog‘iston temir yo‘li"ga "O‘zbekiston temir yo‘llari" bilan hamkorlikda yuk tashish hajmini oshirish bo‘yicha aniq reja ishlab chiqishni topshirishdi.