Telegram asoschisi Pavel Durovning Fransiya va BAAdan Rossiyaga ekstradisiya qilinishi ehtimoli juda kam, chunki u ushbu mamlakatlar fuqaroligiga ega.
Bu haqda advokat Kaloy Axilgov TASSga shunday dedi.
"Qidiruv ro‘yxati ham unchalik aniq emas. Bu Interpolning avtomatik qizil bildirishnomasi emas, chunki tashkilot nizomi siyosiy masalalarga aralashishni taqiqlaydi va bunday ishlar bo‘yicha bildirishnomalar ko‘pincha e’lon qilinmaydi. Bundan tashqari, Durov Fransiya fuqarosi va Fransiya o‘z fuqarolarini ekstradisiya qilmaydi", dedi advokat.
Uning qo‘shimcha qilishicha, BAA ham konstitusiyaviy taqiq tufayli o‘z fuqarolarini ekstradisiya qilmaydi.
Avvalroq fransuz advokati Filipp de Vel agentlikka bergan intervyusida shunga o‘xshash bayonot bergan edi. U agar Interpol Rossiyaning iltimosiga binoan Durovga xalqaro hibsga olish orderini chiqarsa, u Fransiyada darhol ijro etilmasligini ta’kidladi.
Rossiya va Fransiya pasportlaridan tashqari, Pavel Durov Birlashgan Arab Amirliklari va Sent-Kits va Nevis fuqaroligiga ega.
Olimlar Yer aholisi sonini bosqichma-bosqich kamaytirish g‘oyasini ilgari surdi
"Hey, dedi, Trampingni gapigayam..., dedi" - Netanyaxu Trampning chaqirig‘iga qaramay, G‘azoga hujumlarni to‘xtatishdan bosh tortdi
Ilon Mask Ukrainaga Rossiyaning ichkarisiga zarba berish uchun Starlink taqdim etishdan bosh tortdi
