Oq uy saytida paydo bo‘lgan «Devor qur» nomli, Tetris o‘yiniga o‘xshash videoo‘yin hozir mavjud emas. Unda o‘yinchi AQSh va Meksika chegarasida devor qurishi kerak bo‘lgan. O‘yin tavsifida: «Chegarani yaqinlashayotgan olomondan himoya qil», degan yozuv bo‘lgan.
CNN xabar berishicha, sentyabr oyi boshida Oq uy saytida paydo bo‘lgan ushbu o‘yin keyinchalik saytdan olib tashlangan.
Tetris kompaniyasi migrantlarga qarshi ruhdagi ushbu videoo‘yinga aloqasi yo‘qligini ochiq ma’lum qildi. Kompaniya «ajratish emas, birlashtirish kuchiga» ishonishini ta’kidladi. Shuningdek, mualliflik huquqlarining buzilishi masalasiga «juda jiddiy» yondashishini bildirdi.
Oq uy saytidagi boshqa o‘yinlar esa hozircha saqlanib qolgan. Jumladan, «Ilon» o‘yini uslubida yaratilgan RioRun o‘yinida o‘yinchi Rio-Grande daryosidan o‘tishga urinayotgan migrantlarni ushlashi kerak. O‘yindagi qahramon Trampning chegara xavfsizligi bo‘yicha vakili Tom Xomanga o‘xshatib ishlangan.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
