Namangan viloyati Kosonsoy tumanidagi 39-sonli maktabda boshlang‘ich sinf o‘qituvchisi 1-sinf o‘quvchisini kitobni o‘qib bera olmagani uchun urgani aytilmoqda. Bu haqda viloyat Maktabgacha va maktab ta’limi boshqarmasi xabar berdi.
Ijtimoiy tarmoqlarda tarqalgan "Bola kaltaklandimi?" sarlavhali video yuzasidan boshqarma tomonidan ishchi guruh tuzilib, maktabda xizmat tekshiruvi boshlangan.
Dastlabki o‘rganishlarga ko‘ra, voqea 16 sentyabr kuni soat 10:30 larda, uchinchi dars vaqtida sodir bo‘lgan. O‘qituvchi 1-sinf o‘quvchisini kitobni o‘qib bera olmagani sababli bir necha bor urgan.
Ayni vaqtda holatga huquqiy baho berish hamda unga mas’ul mansabdor shaxslarning xatti-harakatlarini o‘rganish maqsadida xizmat tekshiruvi davom ettirilmoqda.
Tekshiruv yakunlari bo‘yicha maktab rahbariyati va o‘qituvchiga nisbatan qonunchilikda belgilangan tartibda tegishli choralar ko‘rilishi ma’lum qilindi.
"SI shu o‘n yillik oxiriga kelib barchamizni o‘ldirishi mumkin"
Boshlang‘ich sinf qizlari uchun hijobni taqishni taqiqlash taklif qilinmoqda
Saudiya Arabistoni Isroildan yordam so‘radi
