«Times of India» nashrining xabar berishicha, u maxfiy hujjatning bir sahifasini bitta yalang‘och suratga almashtirgan.
Tergovchilarning aniqlashicha, Hindiston Harbiy-havo kuchlari ofiseri Pokiston agentidan shaxsiy xususiyatga ega (yalang‘och) surat olgan va buning evaziga unga maxfiy harbiy hujjatning bir sahifasini yuborgan. Keyin u bu «kelishuv»ni davom ettirishni taklif qilgan — bunda har bir navbatdagi sahifa uchun bittadan yangi yalang‘och surat talab qilingan.
Gap oddiy xizmat yozishmalari haqida ketmayapti; hujjatlarda Hindistonning harbiy rejalari, strategik ahamiyatga ega Leh aviabazasining imkoniyatlari hamda Pokiston dronlariga qarshi kurashish choralari to‘g‘risidagi ma’lumotlar mavjud bo‘lgan.