Mask: "Besh yil ichida sun’iy intellekt butun insoniyat aql-zakovatidan oshib ketadi"

Besh yil ichida sun’iy intellekt butun insoniyatning aql-zakovatidan oshib ketishi mumkin.

Dunyoning eng boy odami Ilon Mask bu haqda Economist nashriga bergan intervyusida aytib o‘tgan.

Uning so‘zlariga ko‘ra, sun’iy intellekt uni ham tashvishga soladi, ham hayratga soladi, lekin u optimistik bo‘lishni afzal ko‘radi.

Uning fikricha, taxminan 2036 yilga kelib robotlar va sun’iy intellekt tizimlari jismoniy va intellektual mehnatning ko‘p qismini bajara oladi. Bunday sharoitda ish odamlar uchun zarurat emas, balki ixtiyoriy tanlovga aylanadi.

U shuningdek, bunday texnologik rivojlanish "misli ko‘rilmagan mo‘l-ko‘lchilik"ga olib kelishini va pul asta-sekin avvalgi ahamiyatini yo‘qotishini ta’kidladi.

Milliarderning fikricha, hukumatlar fuqarolarga moliyaviy imtiyozlar bera oladi, chunki mashinalar tomonidan tovarlar va xizmatlar ishlab chiqarish deyarli cheksiz bo‘lib qoladi va deflyasiya xavfi inflyasiya xavfidan ustun keladi.