Maktab darsliklari 2027 yildan yangi alifboda chop etiladi

2027–2031 yillarda darsliklarni rejali almashtirish jarayonida ular qo‘shimcha xarajatlarsiz yangi alifboga o‘tkaziladi.

Bu haqda Senatning 19-yalpi majlisida Maktabgacha va maktab ta’limi vaziri o‘rinbosari Azizbek Anvarjonovich ma’lum qildi.

Vazir o‘rinbosarining ta’kidlashicha:
🔸2027 yildan 1-sinf darsliklari yangi alifboda chiqadi.
🔸2–4-sinflar uchun darsliklar har 3 yilda yangilanadi.
🔸5–11-sinflar darsliklari har 5 yilda almashtiriladi.

Shuningdek, o‘qituvchilarni yangi alifboga tayyorlash boshlangan. 24–28 avgust kunlari ular uchun o‘quv-seminarlar o‘tkazilgan.