Prezidentning 2026 yil 12 noyabrdagi qaroriga ko‘ra, 1 dekabrdan jazoni ijro etish muassasalari huzurida 3 yoshgacha bo‘lgan bolalar uchun «Ona va bola markazi» maxsus davlat maktabgacha ta’lim tashkilotlari ochiladi.
Markazlar 21-son koloniya qoshidagi Bolalar uyi negizida hamda 42-son manzil-koloniyada tashkil etiladi.
Ularda:
▪️ 5 nafargacha bolani qamrab oladigan kecha-yu kunduzgi guruhlar faoliyat yuritadi;
▪️ bolalar yashashi, tarbiyalanishi va tibbiy xizmat olishi uchun sharoit yaratiladi;
▪️ oziq-ovqat, kiyim-kechak va zarur anjomlar bilan ta’minlanadi;
▪️ bolalar o‘z vaqtida emlanadi va tibbiy ko‘rikdan o‘tkaziladi;
▪️ har chorakda ona va bola uchun yaratilgan sharoit monitoring qilinadi.