Janubiy Koreyaning Changvon shahridagi Masan portida O‘zbekiston uchun ishlab chiqarilgan Hyundai Rotem yuqori tezlikdagi poyezdlari birinchi partiyasini rasmiy jo‘natish marosimi bo‘lib o‘tdi.
Marosimda O‘zbekiston bosh vaziri o‘rinbosari Jamshid Xo‘jayev boshchiligidagi delegasiya, Koreya hukumati vakillari va Hyundai Rotem rahbarlari ishtirok etdi.
«Jaloliddin Manguberdi» nomi berilgan O‘zbekistonning yangi yuqori tezlikdagi temir yo‘l parkining birinchi poyezdi Hyundai Rotem tomonidan O‘zbekiston temir yo‘llari bilan 2024 yil iyun oyida imzolangan shartnoma doirasida ishlab chiqarildi.
Shu yil may oyida prezident Shavkat Mirziyoyev Xorazm viloyatiga tashrifi davomida Hyundai Rotem kompaniyasidan yuqori tezlikdagi 6 ta elektropoyezd xarid qilinib, kelgusi yildan «Jaloliddin Manguberdi» nomi ostida Toshkent-Xiva yo‘nalishiga qo‘yilishi haqida xabar berilgan edi.
Ta’kidlanishicha, Toshkentdan Xivaga 14 soat harakatlanadigan oddiy poyezddan farqli o‘laroq, yangi tezkor poyezd manzilga 7 soat 40 daqiqada yetib boradi.
Muhammad Saloh jazolanadigan bo‘ldi
Bomba o‘rnatilgan avtomobilning portlashi oqibatida besh kishi halok bo‘ldi
Samarqanddagi “Qorasuv” suv ombori butunlay qurib qoldi
