Жанубий Кореянинг Чангвон шаҳридаги Масан портида Ўзбекистон учун ишлаб чиқарилган Hyundai Rotem юқори тезликдаги поездлари биринчи партиясини расмий жўнатиш маросими бўлиб ўтди.
Маросимда Ўзбекистон бош вазири ўринбосари Жамшид Хўжаев бошчилигидаги делегация, Корея ҳукумати вакиллари ва Hyundai Rotem раҳбарлари иштирок этди.
«Жалолиддин Мангуберди» номи берилган Ўзбекистоннинг янги юқори тезликдаги темир йўл паркининг биринчи поезди Hyundai Rotem томонидан Ўзбекистон темир йўллари билан 2024 йил июн ойида имзоланган шартнома доирасида ишлаб чиқарилди.
Шу йил май ойида президент Шавкат Мирзиёев Хоразм вилоятига ташрифи давомида Hyundai Rotem компаниясидан юқори тезликдаги 6 та электропоезд харид қилиниб, келгуси йилдан «Жалолиддин Мангуберди» номи остида Тошкент-Хива йўналишига қўйилиши ҳақида хабар берилган эди.
Таъкидланишича, Тошкентдан Хивага 14 соат ҳаракатланадиган оддий поезддан фарқли ўлароқ, янги тезкор поезд манзилга 7 соат 40 дақиқада етиб боради.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
