Kongo DRda Ebola epidemiyasi: Salkam 1600 ta kasallanish holati va 32 foizdan yuqori o‘lim ko‘rsatkichi

Kongo Demokratik Respublikasi rasmiylarining hisobotiga ko‘ra, mamlakatda Ebola bezgagidan vafot etganlar soni 500 nafardan oshdi.

Bu haqda Kongo matbuot agentligi rasmiy ma’lumotlarga tayanib xabar bermoqda.

Hujjatga ko‘ra, mamlakatda kasallikka chalinganlik bo‘yicha 1561 ta tasdiqlangan holat qayd etilgan.

Ulardan 506 tasi o‘lim bilan yakunlangan, 253 kishi sog‘aygan, yana 628 nafar bemor shifoxonalarda qolmoqda.

Rasmiylar virusning o‘lim darajasini (letallik ko‘rsatkichini) 32,4% ga baholamoqda.