Kaliforniyadagi Fresno aeroporti yaqinida kichik samolyot halokatida ikki bola halok bo‘ldi va ikki kattalar og‘ir jarohat oldi.
Bu haqda The New York Post nashri xabar berdi.
Bortida to‘rt kishi bo‘lgan samolyot 5 sentyabr kuni mahalliy vaqt bilan soat 13:50 atrofida Syerra-Skay-Park yaqinidagi San-Xoakin daryosi yaqinida halokatga uchradi. Qutqaruvchilar samolyot qoldiqlarini daryo yaqinidagi jarlikdan topdilar. NYP gazetasining xabar berishicha, halokat joyi yaqinidagi tepalik yonbag‘rida halokatdan keyin yong‘in chiqqan.
Ikki kattalar og‘ir ahvolda kasalxonaga olib ketilgan. Halok bo‘lgan bolalarning shaxsi va aniq yoshi hali aniqlanmagan.
Federal aviasiya ma’muriyati va Milliy transport xavfsizligi kengashi halokat sabablarini tekshirmoqda.
Shahnoza Mirziyoyeva Musulmon Yunusovning murojaatiga munosabat bildirdi
Farg‘onada ko‘p qavatli uy "podvalida" akula boqilayotgani aniqlandi
Urush oqibatlari: Rossiya g‘allasi Qozog‘istonnikini siqib chiqarmoqda
