Isroil hujumlari boshlanganidan beri Livanda 4359 kishi halok bo‘ldi

So‘nggi 24 soat ichida Livanning janubi-sharqida Isroil harbiylarining hujumlari oqibatida besh kishi halok bo‘ldi va 37 kishi yaralandi.

Bu haqda Livan Sog‘liqni saqlash vazirligi ijtimoiy tarmoqlardagi bayonotida ma’lum qildi.

"2 mart kuni harbiy kuchayish boshlanganidan beri halok bo‘lgan livanliklarning umumiy soni 4359 kishiga, yaradorlar esa 12362 kishiga yetdi", deyiladi xabarda.

Ta’kidlanishicha, 19 iyun kuni tomonlar o‘rtasida e’lon qilingan sulhga qaramay, Isroil havo kuchlari tushdan keyin Vadi al-Suluki va Vadi al-Xojayr vodiylaridagi yerdagi nishonlarga zarbalar berdi. Havo hujumlari Tir shahri yaqinidagi El-Mansuri qishlog‘iga qaratilgan.