Ilon Mask kelajakda an’anaviy pullar o‘z ahamiyatini yo‘qotishini aytdi

Ilon Mask biografi Uolter Ayzeksonga bergan intervyusida kelajakda an’anaviy pullar o‘z ahamiyatini yo‘qotib, energiya, quvvat va massa kabi fizik kattaliklar asosiy qiymat o‘lchoviga aylanishini aytdi.

Mask, shuningdek, AQShning ulkan davlat qarzini byudjet xarajatlarini qisqartirish orqali hal qilish qiyinligini ta’kidladi. Uning fikricha, mansabdorlarning xarajatlarni kamaytirishni istamasligi sharoitida sun’iy intellekt mamlakatni moliyaviy inqirozdan qutqarishning yagona yo‘li bo‘lishi mumkin.