Fransiya polisiyasi terrorchilik hujumini amalga oshirishga uringan olti kishini hibsga oldi

Fransiya polisiyasi Parij yaqinidagi Sarsel kommunasida terrorchilik hujumini rejalashtirganlikda gumon qilingan olti kishini hibsga oldi.

Agence France-Presse xabariga ko‘ra, Fransiya Milliy Terrorizmga qarshi Prokuraturasi (PNAT) bu haqda e’lon qildi.

Agentlik ma’lumotlariga ko‘ra, hibsga olinganlarning barchasi jinoiy guruh tarkibida talonchilikda, shuningdek, qurollarni noqonuniy tashish va sotishda ayblanmoqda. Ular sud majlisidan so‘ng hibsga olindi.

12 iyul kuni rasmiylar Fransiya razvedkasidan shubhali transport vositasi haqida ma’lumot olgandan so‘ng, Sarsel hududidan taxminan 300 kishini evakuasiya qilishdi. Bomba yo‘q qilish bo‘yicha mutaxassislar transport vositasida yettita o‘q-dori solingan miltiq va o‘nta o‘q-dori solingan to‘pponcha topdilar. Avtomobil ibodatxona yonida to‘xtab turganligi sababli, tergovchilar mahalliy yahudiy jamoasi mumkin bo‘lgan hujum nishoni bo‘lishi mumkinligini istisno qilmayaptilar.