Eron Quvaytdagi Amerika radar tizimlari joylashgan bazalarga hujum qildi

Islom inqilobi qo‘riqchilari korpusi (IIQK, Eronning elit harbiy bo‘linmasi) Quvaytdagi Ali as-Salem aviabazasi va Bubiyan orolidagi radar tizimlari yo‘q qilinganini e’lon qildi.

Eronning bu harbiy bayonoti Fars axborot agentligi tomonidan e’lon qilindi.

"Nasr-2" operasiyasi va hududdagi radar tizimlarini tozalash ishlari davomida IIQK qiruvchilari erta ogohlantirish radariga, Ali as-Salem aviabazasi yaqinidagi taktik radar kompleksiga va Quvaytning Bubiyan orolidagi yana bir radar tizimiga zarba berishdi, ularni yo‘q qilishdi va ishdan chiqarishdi”, deyiladi IIQK bayonotida.

Quvayt rasmiylari amirlikdagi nishonlarga qilingan zarbalarni hali tasdiqlamadi.