Eron prezidenti va Oliy rahbar o‘rtasida sulh muzokaralari bo‘yicha qaror qabul qilingan

Bu haqda The New York Times ma’lum qildi.

Xabarlarga ko‘ra, Eron prezidenti Mas’ud Pezeshkiyon AQSh bilan muzokaralar va sulhga rozi bo‘lish masalasida Oliy rahbar Oyatulloh Mujtaba Xomanaiyni ko‘ndirishda muhim rol o‘ynagan. Pezeshkiyon AQSh dengiz blokadasi tufayli Eron iqtisodiyoti inqiroz yoqasiga kelib qolganini bildirib, kelishuv rad etilsa iste’foga chiqishini ham aytgan.

Markaziy bank rahbari ham mamlakatda bir necha hafta ichida oziq-ovqat va dori-darmon taqchilligi yuzaga kelishi mumkinligi haqida ogohlantirgan. Shundan so‘ng, Oliy rahbar Milliy xavfsizlik kengashi qo‘llab-quvvatlagan muzokaralarga ruxsat bergan, garchi u shaxsan kelishuvga qarshi bo‘lganini bildirgan bo‘lsa ham.