Eron Germaniya tashqi ishlar vazirining bayonotiga keskin munosabat bildirdi

Eron Tashqi ishlar vazirligi vakili Esmail Bag‘ayi Germaniya tashqi ishlar vaziri Yoxann Vadefulning Hormuz bo‘g‘ozi haqidagi bayonotini tanqid qildi.

Bag‘ayi bu haqda o‘zining ijtimoiy tarmoq sahifasida yozdi.

"Germaniya tashqi ishlar vazirining ritorikasi juda sharmandali", dedi u.

Bag‘ayi Yoxann Volfgang fon Gyotening "Faust" asaridagi Mefistofel qahramoniga ishora qilib, Berlinni Qo‘shma Shtatlar bilan hamkorlikda aybladi.

"Germaniya Eronga qarshi harbiy tajovuzdagi ishtiroki uchun to‘liq javobgarlikka tortilishi va bu jinoyatda faol ishtiroki uchun katta narx to‘lashi kerak.

Hech qanday haqoratli bayonotlar Berlinga bu noqonuniy urushdagi roli va Eron xalqiga qarshi sodir etilgan urush jinoyatlari uchun javobgarlikdan qochishga imkon bermaydi", deb ta’kidladi Eron Tashqi ishlar vazirligi vakili.

Eslatib o‘tamiz, Yoxann Vadeful avvalroq Eron Hormuz bo‘g‘ozini minalardan tozalash uchun pul to‘lashi kerakligini aytgan edi.