AQSh Davlat departamenti butun dunyo bo‘ylab barcha Amerika elchixonalari va diplomatik vakolatxonalariga xavfsizlik holatini darhol baholash va Eronga qarshi AQSH-Isroil harbiy operasiyasidan keyin qo‘shimcha choralarni ko‘rib chiqishni buyurdi.
Bu haqda The Washington Post nashri AQSh Davlat departamentining ichki yozishmalariga tayanib xabar berdi.
Buyruq "Yaqin Sharqdagi hozirgi va o‘zgarib borayotgan vaziyat va uning potensial oqibatlari" bilan bog‘liq.
Nashrning xabar berishicha, AQSh Davlat kotibi Marko Rubio diplomatik vakolatxonalarga potensial tahdidlarni aniqlash va javob rejalarini tayyorlash uchun maxsus guruhlar tuzishni buyurgan.
So‘nggi haftalarda shunga o‘xshash ko‘rsatmalar faqat Yaqin Sharqdagi AQSh diplomatik vakolatxonalariga berilgani xabar qilingan. Endi buyruq butun dunyo bo‘ylab barcha AQSh elchixonalariga tatbiq etildi.
Nashr ta’kidlashicha, bu butun dunyo bo‘ylab barcha AQSh diplomatik vakolatxonalariga Erondagi urush bilan bog‘liq xavfsizlik choralarini ko‘rib chiqish buyurilgan birinchi holat.
Eron musulmon davlatlariga chaqiriq bilan chiqdi
Erondagi vaziyatdan Markaziy Osiyoda eng ko‘p Tojikiston qiynalishi mumkin
Eron Isroilga o‘ta og‘ir ballistik raketalar bilan kuchli hujum uyushtirdi
