Eron AQSh tomonidan yangi hujum amalga oshirilsa, “yangi imkoniyatlarga ega qurollar” qo‘llanishi haqida ogohlantirdi. Tegishli bayonot Qo‘shma Shtatlar prezidenti Donald Tramp o‘tgan dam olish kunlarida Tehronga nisbatan ritorikani keskinlashtirganidan so‘ng berildi.
"Agar yangi tajovuz sodir bo‘lsa, biz shubhasiz qurollarni hamda urush geografiyasini o‘zgartiramiz", — dedi Eron Islom inqilobi qo‘riqchilari korpusi vakili Husayn Muhibbiy Fars axborot agentligiga bergan intervyusida.
Muhibbiy bu yangi qurollar nimalardan iboratligi va qaysi yangi hududlarga zarba berilishi mumkinligiga aniqlik kiritmadi.
Shu bilan birga, Tramp urushni qanday davom ettirish bo‘yicha haligacha bir qarorga kelmaganini aytdi. AQSh prezidenti ham o‘z navbatida Eronga tahdid qilib, o‘zining urushni tugatish variantlari orasida mamlakatni yo‘q qilib tashlash, ularni iqtisodiy jihatdan holdan toydirish yoki kelishuv tuzish kabilar borligini ma’lum qildi.
"Butun bir millatni yo‘q qilib yuborishim mumkin. Ular o‘zlarini yaxshi tutganlari ma’qul", — deb ogohlantirdi Tramp.
Tramp oldinroq BMT Bosh Assambleyasi doirasida Eron prezidenti Mas’ud Pizishkiyon bilan uchrashishga katta ehtimol bilan tayyorligini aytgan edi. Uchrashuv o‘tkazish imkoniyati Eron bilan deyarli yetti oydan beri davom etayotgan urushni hal qilishga nisbatan kichik umid uyg‘otdi.
Dunyoda atigi uch kishi xorijga pasportsiz sayohat qilishi mumkin
Muhojirlar ketmoqda — Moskva esa qaytishga chaqirmoqda
Surxondaryoda 3700 yillik qabrlar o‘rganilmoqda
