21 oktyabr, chorshanba kuni O‘zbekistonning barcha hududlarida yog‘ingarchiliksiz ob-havo saqlanib qoladi. Havo harorati kunduzi ayrim viloyatlarda 28 darajagacha ko‘tarilishi mumkin. Bu haqda «O‘zgidromet» xabar berdi.
Prognozlarga ko‘ra, eng yuqori harorat Qashqadaryo va Surxondaryo viloyatlarida kuzatiladi. Ushbu hududlarda kunduzi 23–28, kechasi 7–12 daraja iliq bo‘ladi.
Toshkent shahrida havo o‘zgaruvchan bo‘lib, yomg‘ir yog‘maydi. Poytaxtda kunduzgi harorat 21–23, tungi harorat esa 8–10 darajani tashkil etadi. Shamol sharqdan sekundiga 3–8 metr tezlikda esadi.
Samarqand, Jizzax, Sirdaryo, Toshkent, Buxoro va Navoiy viloyatlarida kunduzi 20–25, kechasi 5–10 daraja iliq bo‘lishi prognoz qilinmoqda.
Farg‘ona vodiysidagi uch viloyat — Andijon, Namangan va Farg‘onada ham kunduzgi harorat 20–25 daraja atrofida bo‘ladi. Tunda esa termometrlar 7–12 darajani ko‘rsatadi.
Qoraqalpog‘iston Respublikasi va Xorazm viloyatida nisbatan salqin ob-havo kutilmoqda. Bu hududlarda kunduzi 15–20, kechasi 2–7 daraja iliq bo‘ladi.
Tog‘li hududlarda harorat kunduzi 13–18, kechasi 3–8 daraja oralig‘ida bo‘lishi aytilmoqda.
Respublikaning aksariyat hududlarida sharqdan sekundiga 7–12 metr tezlikda shamol esadi. Farg‘ona vodiysida esa shamol tezligi 5–10 metr/sekundni tashkil etadi.
Shohjahon Ergashevning Toshkentdagi jangi janjal bilan nihoyasiga yetdi
Toshkentda 16 yoshli qiz o‘z xonadonida osilgan holda topildi
Endi O‘zbekistonda o‘qituvchilar ortiqcha qog‘ozbozlik bilan shug‘ullanishmaydi, asosiy e’tibor ta’lim sifatiga qaratiladi
