Prezident Shavkat Mirziyoyev 2027 yilgi Davlat byudjeti loyihasi bo‘yicha yig‘ilish o‘tkazdi.
Rejaga ko‘ra, kelgusi yil byudjet daromadlari 416 trln so‘m, xarajatlari esa 464 trln so‘mni tashkil etadi.
Ajratilishi rejalashtirilgan mablag‘lar:
▪️ ta’lim sohasiga — 114,3 trln so‘m;
▪️ sog‘liqni saqlashga — 61,4 trln so‘m;
▪️ hududlar infratuzilmasi, bandlik va ijtimoiy himoyaga — 70 trln so‘m.
2027 yilda iqtisodiy o‘sish 7 foiz, inflyasiya esa 6 foiz bo‘lishi prognoz qilinmoqda. Shuningdek, 65 mlrd dollar xorijiy investisiya jalb etish rejalashtirilgan.
Byudjet loyihasi muhokamadan so‘ng Oliy Majlis Qonunchilik palatasiga kiritiladi.