AQShning 101 yoshli turguni Kennet Rem yosh avlodga bir nechta maslahatlar berdi.
People nashri xabar berishicha, Rem 100 yoshgacha yashashini hech qachon o‘ylamaganini tan olgan. U uzoq umr ko‘rishining siri sifatida baxtli bo‘la olish va atrofdagilarga sevgi ulashishni ko‘rsatgan.
"Men uchun bu go‘zal nikoh, yon bosishni (kompromissga kirishishni) bilish va farzandlarimning yaxshi yashayotganini anglash demakdir", — deya o‘z sirini oshkor qildi u.
Uzoq umr ko‘ruvchi otaxonning besh nafar farzandi, 12 nafar nabirasi va 11 nafar evarasi bor. Rem ularga eng muhim ikki narsani — bir-birini sevish va hurmat qilishni o‘rgatayotganini aytdi.
"Bularsiz hayot ancha qiyinroq", — deya qo‘shimcha qildi u.
Otaxon 2018 yilda 67 yil birga hayot kechirgan rafiqasidan ayrilganini so‘zlab berdi. U juftligining yo‘qotilishini og‘ir o‘tkazganini, biroq birgalikdagi barcha xotiralar uchun undan umrbod minnatdor bo‘lib qolishini tan oldi.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
