Yaqin Sharqdagi nizolar ortidan neft narxining 50 foizga ko‘tarilishi Yevropa bo‘ylab ommaviy noroziliklarga sabab bo‘ldi. Irlandiyada fermerlar va yuk mashinasi haydovchilari Dublin magistrallarini hamda mamlakatdagi yagona neftni qayta ishlash zavodini to‘sib qo‘yishdi, bu esa oziq-ovqat va yoqilg‘i ta’minotini xavf ostiga qo‘ydi.
Hukumat blokadalarni ochish uchun armiyani shay holatga keltirgan bo‘lsa-da, namoyishchilar o‘z talablari bajarilmaguncha poytaxtda haftalab qolishga tayyor ekanliklarini bildirishgan.
Shu bilan birga, Norvegiya poytaxti Osloda haydovchilar "Dizel isyoni" aksiyasini o‘tkazib, yoqilg‘i soliqlarini kamaytirishni talab qilishdi. Irlandiya hukumati namoyishchilarning harakatlarini mamlakatga tazyiq o‘tkazish deb baholadi va bu tartibsizliklar ortida tashqi kuchlarning ta’siri bo‘lishi mumkinligidan xavotirda.
Tehronda Oliy rahbar vafoti munosabati bilan katta motam marosimi bo‘lib o‘tmoqda
Shimoliy Koreya Erondan uzoqlashishni boshladi — razvedka
Eronning «ishtihasi» ortib bormoqda
