O‘zbekistonda yarim yilda 70 yoshdan oshgan 29 nafar erkak ota bo‘ldi

2026 yilning yanvar-iyun oylarida O‘zbekistonda 70 yosh va undan katta bo‘lgan 29 nafar erkak ota bo‘lgan. Bu haqda Milliy statistika qo‘mitasi ma’lum qildi.

Qo‘mita ma’lumotlariga ko‘ra, yilning dastlabki olti oyida mamlakatda jami 373 389 ta tirik tug‘ilish qayd etilgan.

Tug‘ilishlar otalarning yoshi bo‘yicha quyidagicha taqsimlangan:

• 25 yoshgacha — 34 526 nafar;
• 25–39 yosh — 309 182 nafar;
• 40–59 yosh — 29 403 nafar;
• 60–69 yosh — 249 nafar;
• 70 yosh va undan kattalar — 29 nafar.

Eng katta ulush 25–39 yoshli otalar hissasiga to‘g‘ri kelgan — ushbu yosh toifasida 309 mingdan ortiq farzand tug‘ilgan.