Qatar energetika vaziri Saad al-Kaabi AQSh moliya vaziri Skott Bessentning strategik Hormuz bo‘g‘ozi ikki yil ichida o‘z ahamiyatini yo‘qotishi haqidagi bayonotini "xato" deb atadi.
Bloomberg agentligiga ko‘ra, vazir bu bayonotni yakshanba kuni Nyu-Yorkdagi Qatar iqtisodiy forumida aytdi.
"Menimcha, bu mutlaqo noto‘g‘ri", dedi al-Kaabi.
Uning ta’kidlashicha, Hormuz bo‘g‘ozi nafaqat neft va gaz savdosi, balki boshqa tovarlar uchun ham muhim yo‘nalish hisoblanadi, shuning uchun u o‘z ahamiyatini yo‘qota olmaydi.
Bessent ilgari bo‘g‘oz ikki yil ichida "foydasiz suv oqimi"ga aylanishini, chunki mamlakatlar uning atrofida quvurlar va boshqa yo‘nalishlarni rivojlantirayotganini aytgan edi.
Al-Kaabi shuningdek, Qatar hozirda Hormuz bo‘g‘ozini chetlab o‘tib, yangi quvurlar qurishni rejalashtirmayotganini aytdi. Uning so‘zlariga ko‘ra, bo‘g‘ozdan foydalanish to‘g‘risidagi qaror tijorat va texnik omillarga asoslanib qabul qilingan.
Dunyoda atigi uch kishi xorijga pasportsiz sayohat qilishi mumkin
Muhojirlar ketmoqda — Moskva esa qaytishga chaqirmoqda
Surxondaryoda 3700 yillik qabrlar o‘rganilmoqda
