SpaceX rahbari Ilon Mask o‘tgan haftada Ukrainada Starlink tizimining harbiy versiyasi — Starshield ishini cheklashni shaxsan buyurgan.
Bu haqda amerikalik mulozimlar va The Wall Street Journal nashrining vaziyatdan xabardor manbalari ma’lum qildi.
Ba’zi amerikalik mulozimlarning so‘zlariga ko‘ra, Mask ushbu qarorni mustaqil ravishda qabul qilgan va AQSh Prezidenti Donald Tramp bu bo‘yicha hech qanday topshiriq bermagan.
Biroq nashr manbalaridan birining ta’kidlashicha, tadbirkor tizim tezligini cheklashdan oldin AQSh ma’muriyatining ko‘plab yuqori martabali vakillari, jumladan, uning rahbari (prezident) bilan ham suhbatlashgan.
Mask bundan oldin cheklovlar uchun javobgarlikni rad etib, Starshield tezligi va undan foydalanish bo‘yicha qarorlarni AQSh rasmiylari qabul qilishini da’vo qilgan edi.
"Starshield tizimlari AQSh hukumatiga tegishli va u tomonidan nazorat qilinadi. Tezlikni cheklash yoki undan foydalanish shartlari to‘g‘risidagi qarorlar harbiy rahbariyat va yakuniy bosqichda AQSh prezidenti tomonidan qabul qilinadi", — deb yozgan edi Mask o‘zining X ijtimoiy tarmog‘idagi sahifasida.
Keyinchalik Tramp Oq uyning Janubiy maydonchasida jurnalistlar bilan bo‘lgan suhbatda Starshield tizimining sekinlashtirilishiga aloqasi yo‘qligini alohida ta’kidlab o‘tgan.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
