UYEFA Chempionlar ligasida haftaning eng yaxshi futbolchisi bo‘lishga nomzodlarni e’lon qildi

UYEFA Chempionlar ligasi 1/8 finalining dastlabki o‘yinlari yakunlariga ko‘ra haftaning eng yaxshi futbolchisi bo‘lishga nomzodlarni ma’lum qildi.

«PSJ» vingeri Xvicha Kvarasxeliya «Chelsi»ga qarshi bahsda (5:2) dubl va golli uzatmani amalga oshirdi. «Real» yarim himoyachisi Federiko Valverde «Manchester Siti» bilan o‘yinda (3:0) uchta gol urdi.

«Bavariya» vingeri Maykl Olise «Atalanta»ga qarshi uchrashuvda (6:1) ikkita gol va bitta assist qayd etdi. «Atletiko» hujumchisi Xulian Alvares esa «Tottenxem» bilan bahsda (5:2) 2 ta gol urib, bitta golli uzatmani amalga oshirdi.